Ngenteni

oleh: Tri Miati


angina kang sumilir silir-silir
gawanen tresnaku iki
ing lor segara kana
aku nglabuhake katresnanku
tresna kang suci, kang tuwuh saka jeroning ati

ketiga wis ganti rendeng
rina wis ganti peteng
nanging tresna tansah unggreng
nari-nari ing antarane
bebundelaning manah

ngenteni sliramu
mbutuhake rasa sabar
mbutuhake rasa pangerten
mbutuhake rasa percaya
mbutuhake rasa yakin
sliramu mesthi bali
teka gawa sapikulan
rasa kangen lan tresna
dina kang tak enteni
bakal dadi dina kang sumringah



*Tri Miati, calon sarjana mahasiswa Universitas Negeri Semarang.

[ Baca Selengkapnya ]...

Ati

oleh: Tri Miati


sak kepel daging kang ana ing dhadha
ngobahake nyang endi urip iki bakal digawa
laku becik apa dene ala
kabeh gumantung saka ati

apa kita isih duwe ati?
nalika akeh wong kang kelara-lara
nalika ndeleng penindasan
kita mung meneng njanggleng
sanajan kupingmu kemrembeng
nanging kita mung anteng
mung bisa ndeleng

ati manungsa iku beda-beda
ana kang atine mulya
ana kang atine ala
raupana ati kang ala
kanthi ngerteni apa sejatine
kita urip ing donya iki
aja mung golek gumebyare urip
kang bisa gawe atimu mati rasa

Semarang, 15 Desember 2008


*Tri Miati, calon sarjana mahasiswa Universitas Negeri Semarang.

[ Baca Selengkapnya ]...

Crita Wong Pinggiran

oleh: Tri Miati


iki critane wong pinggiran
urip ana ing pinggiran
omah-omah kang jejubelan
namung saka kardus apa papan
bocah-bocah ora kenal sekolahan
saben dina mung kluyuran
golek duwit ning ndalanan

pamarentah bukane nulung
pamarentah malah menthung
Omah-omah kang dadi papan pangiyuban
Malah jare apak ana panggusuran
Ora ana kabar utawa pemberitahuan
Omah-omah dirataake lemah

Swara tangis tansah ngiris-iris
Swara tangis ngandaake kasusahan
Wong pinggiran kang sansaya disingkirake
Sansaya dikucilake





*Tri Miati, calon sarjana mahasiswa Universitas Negeri Semarang.

[ Baca Selengkapnya ]...

SUMINI

oleh: Tri Miati


Sumini
Prawan ayu denok deblong
Dandanane moblong-moblong
Sapa weruh bakal kechantol
Simini bokonge bahenol
Lambene abang mrengangah
Jaka apa duda ora ana sing wegah

Sum…sum….
Sliramu pancen ayu
Senengmu nganggo rok mini
Apa malah nganggo bikini
Saben dina kluyuran
Golek codhot ing prapatan

Eman temen tho sum
Ayu-ayu kok murah
Pantese kowe nangomah
Ngurus simak apa simbah


*Tri Miati, calon sarjana mahasiswa Universitas Negeri Semarang.

[ Baca Selengkapnya ]...

Janji

oleh: Tri Miati



Janji tresna
Janji setya
Janji teka
Janji, janji, janji
Kabeh mung janji

Aku ora butuh janji janji
Janji mung ana ing lathi
Janji gampang diucapke
Janji angel banget nepatine

Kabeh wong bisa janji
Aku bisa
Kowe bisa
Dheweke bisa
Ah…
Kabeh bisa

Janji kuwi utang
Janji kudu disarutang
Yen ora bisa nepati
Aja pisan-pisan gawe janji



*Tri Miati, calon sarjana mahasiswa Universitas Negeri Semarang.

[ Baca Selengkapnya ]...